Кафедра беларускай філалогіі
УА “Брэсцкі дзяржаўны ўніверсітэт імя А.С. Пушкіна”
Запрашаем прыняць удзел у ІІ завочнай алімпіядзе па беларускай мове вучняў 9–11 класаў г. Брэста і вобласці.
Матэрыялы алімпіяды будуць карысны ўсім, хто цікавіцца беларускім словам, яго таямніцамі і гісторыяй, а таксама выключнымі фактамі сусветнай культуры.
Адказы на прапанаваныя пытанні просім запісваць у наступную табліцу і дасылаць на электронны адрас кафедры беларускай філалогіі (bellingv@brsu.brest.by). Лісты з адказамі будуць прымацца з 05.02.2018 г. па 09.02.2018 г.
Вынікі алімпіяды будуць падведзены 20 лютага і размешчаны на сайце кафедры (http://www.brsu.by/div/kafedra-belorusskoj-filologii) пад загалоўкам "Вынікі алімпіяды" .
ЖАДАЕМ ПОСПЕХАЎ!
|
Прозвішча, імя, імя па бацьку вучня (вучаніцы) |
||
|
Клас |
||
|
Школа |
||
|
Прозвішча, імя, імя па бацьку настаўніка |
||
|
Нумар пытання |
Ваш варыянт адказу |
|
|
1. |
||
|
2. |
||
|
3. |
||
|
4. |
||
|
5. |
||
|
6. |
||
|
7. |
||
|
8. |
||
|
9. |
||
|
10. |
||
|
11. |
||
|
12. |
||
|
13. |
||
|
14. |
||
|
15. |
||
|
16. |
ПЫТАННІ АЛІМПІЯДЫ ПА БЕЛАРУСКАЙ МОВЕ
ДЛЯ ВУЧНЯЎ 9–11 КЛАСАЎ Г. БРЭСТА І ВОБЛАСЦІ
1. Што такое ато́пкі:
А) дровы,
Б) абутак,
В) попел,
Г) посуд.
2. З якога стагоддзя ва ўжытак беларусаў увайшоў зварот на “Вы”?
А) 19 ст,
Б) 20 ст,
В) 16 ст,
Г) 18 ст.
3. У музеі горада Брэста ёсць цікавая рэч – бульётка, што гэта такое?
А) чайнік;
Б) мэбля;
В) чарнільніца;
Г) супоўніца.
4. Хто аўтар наступных радкоў: “Свет даўніны вывучаў я па кнігах славянскіх, граматах рускіх, кірыліцай пісаных вязкай. Лад алфавіту наш прашчур для ўласнай карысці ў грэкаў пазычыў і, гукі мясцовых гаворак зладзіўшы з ім, іншаземцам, застаўся сабою”?
А) Ф. Скарына;
Б) Якуб Колас;
В) Б. Тарашкевіч;
Г) М. Гусоўскі.
5. Пра які раздзел мовазнаўства Н. Гілевіч напісаў наступныя словы: “Не адметнасць лексікі перш за ўсё робіць пагоду: у лексіцы славянскіх народаў агульных слоў тысячы. Пагоду робіць … . Музыка фразы. Тое, у чым дух мовы. Яе глыбінная сутнасць. Яе мысліцельная прырода.”?
А) марфалогія;
Б) фанетыка;
В) пунктуацыя;
Г) сінтаксіс.
6. Які знак прыпынку ўпершыню з’явіўся ў “Граматыцы славенскай” М. Сматрыцкага і называўся “вместным” знакам?
А) коска;
Б) дужкі;
В) пытальнік;
Г) працяжнік.
7. З якога перыяду на тэрыторыі Беларусі пачалі вырабляць слуцкія паясы?
А) 17 ст;
Б) 18 ст;
В) 19 ст.
8. Якое са значэнняў мае слова берасце́нь?
А) кара дрэва;
Б) гаршчок ці збан аплецены бяростай;
В) птушка;
Г) павук.
9. Мудрацы сцвярджаюць, што гармонія Колеру – гэта жывапіс, гармонія Гука – гэта музыка, гармонія Формы – гэта архітэктура, гармонія Лініі – гэта разьбярства. А што выступае як гармонія Слова?
А) арфаграфія;
Б) паэзія;
В) міфалогія;
Г) песня.
10. Для якога тавару ў старажытнасці адзінкай вымярэння служыла назва камень?
А) для воску;
Б) для цукру;
В) для мыла.
11. Якія ўстановы на Беларусі ў ХVІІІ ст. маглі насіць такія назвы: Лавігуз, Выгода, Радасць, Пагулянка, Уцеха, Раскоша?
А) крама;
Б) карчма;
В) клуб;
Г) тэатр.
12. Які з фразеалагізмаў мае значэнне ‘быць у непрыемнай сітуацыі, у нявыгадным становішчы’?
А) быць на кані;
Б) быць пад канём;
В) траянскі конь;
Г) як на сто коней сеў.
13. Які хімічны элемент паходзіць ад назвы ўласцівых ім колеравых эфектаў і ў перакладзе на беларускую мову абазначае ‘светла-зялёны’:
А) цэзій;
Б) індый;
В) хлор.
14. У слоўніку, выдадзеным у 1925 годзе, занатавана калісьці актыўнаўжывальнае, а цяпер архаічнае слова лёсік. Якое значэнне яно мела?
А) шчасліўчык;
Б) памяншальна-ласкальнае да слова лёс;
В) прыгожае месца ў лесе.
15. Што аб’ядноўвае словы апельсін, крэпдышын, сінантрап, сінолаг?
А) Кітай;
Б) Англія;
В) Расія.
16. Якое значэнне мае фразеалагізм вадзіць дзяды:
А) калядаваць;
Б) драмаць седячы;
В) падманваць, хлусіць;
Г) весці сябе несур’ёзна.
